DES/PENTSA arte-hezkuntzako esperientziak partekatzeko plataforma bat da.

Baliabiden pedagogikoen edukiontzi, kutxa, despentsa bat esperimentatu nahi duenarentzat eta bere hezkuntza-jardueran beste egiteko modu batzuk probatu nahi dituenarentzat.

Arte hezkuntza prozesuetan suertatzen diren tresnak/baliabideak jasotzen ditugu Des/pentsan. Baliabide horietako batzuk Artaziakoopek bultzatutako ekimenetan sortu dira, eta beste batzuk, berriz, Artaziakoopek lagundu dien beste kultura-eragile batzuek garatutako proiektuetatik erreskatatu dira.

Oro har, artisten eta hezkuntzan diharduten pertsonen artean bizitako esperientzietatik sortutako tresnak dira. Prozesu kokatuak, parte hartzen duten testuingurutik sortuak, modu irekian eta malguan pentsatzen direnak, beste errealitate batzuetara eraman ahal izateko.