10 urte baino gehiagotan zehar, bai guretzat eta bai partaideentzat ere, 7m2 esperimentazio-gune bilakatu da. Proposamen errazak garatzen ditugu, alde batetik arte garaikideko erakusketaren edukien eta proposamenen artean, eta bestetik, 3 eta 11 urte bitarteko haurren errealitate eta egoeren artean kokatzen ditugunak. Proposatu, probatu, hitz egin eta gertatutakoaren inguruan pentsatzen dugu.

Adin horietako ikus-kulturan arte-praktikak barneratzeko modu berriak pentsatzeko ikerketa espazio bat da, eta modu berri horiek ikaskuntza tresna bezala proposatzen ditugu. Proiektu hau garatzeko inspiratzen gaituzten espazio eta praktika desberdinen artean hauek daude Tabakalerako 0-6 bizi! proiektua, Matadero (Madril) jokurako espazioak edota Liverpooleko Taten txiki eta helduentzat dagoen espazioa.